Çinin “Vivo” şirkəti yeni flaqman smartfon təqdim edib. Banker.az xəbər verir ki, cihaz “Vivo X80 Pro” adını alıb. Yenilik LTPO AMOLED texnologiyalı ekran, 50 MP, 48 MP və 12 MP arxa kameralar və 32 MP ön kamera ilə təchiz olunub.
“Vivo X80 Pro” iki versiyada təqdim ediləcək: “Qualcomm Snapdragon 8 Gen 1” və “MediaTek Dimensity 9000”. Proqram platforması olaraq smartfonlara Android 12 quraşdırılıb.
Modelin batareyası 4700 mAh tutumludur və sürətli yükləmə dəstəkləyir. Smartfon su və tozdan qorunub. “Vivo X80 Pro”nun 8/256 GB versiyasının qiyməti 839 dollar, 12/256 GB və 12/512 GB modifikasiyaların qiyməti isə müvafiq olaraq 915 və 1022 dollardır.
