20 C
Baku
Thursday, May 30, 2024

“Wells Fargo” ABŞ-da 98 mln. dollar cərimələnib

Amerika bankı “Wells Fargo & Co” İran, Suriya və Sudana qarşı sanksiyaların kifayət qədər icra edilməməsinə görə 97.8 milyon dollar cərimələnib. Bu barədə Federal Ehtiyat Sistemi (FED) və ABŞ Maliyyə Nazirliyinin Xarici Aktivlərə Nəzarət İdarəsi (OFAC) məlumat yayıb.

FED-ə görə, “Wells Fargo & Co”ya kifayət qədər nəzarət yoxdur. Banka 2010-2015-ci illər arasında təxminən 532 milyon dollar dəyərində ABŞ sanksiyalarını pozmağa icazə verilib. Agentliyin məlumatına görə, “Wells Fargo” və onun sələfi “Wachovia Bank” (2008-ci ildə “Wells Fargo” tərəfindən satın alınıb) Avropadakı xarici banka ABŞ-ın sanksiyaya məruz qaldığı yurisdiksiyalar və fiziki şəxslərlə əməliyyatları emal etmək üçün proqram təminatı ilə təmin edib.

Banker.az bu barədə Kommersant-a istinadən xəbər verir.

2022-ci ilin dördüncü rübündə “Wells Fargo”nun mənfəəti iki dəfə azalaraq 2.8 milyard dollara çatıb. Bu, digər amillərlə yanaşı, dekabr ayında istehlak kreditləri üzrə qeyri-qanuni komissiyalara görə banka qoyulan 3.7 milyard dollarlıq cərimə ilə bağlıdır. “Wells Fargo”nun rüblük gəliri 5.7% azalaraq 19.7 milyard dollara, il ərzində gəliri 6% azalaraq 73.8 milyard dollara, mənfəəti isə 39% azalaraq 13.2 milyard dollara düşüb.

Son xəbərlər
 ⁠
Digər xəbərlər