“WhatsApp” növbəti faydalı funksiyanı işə salıb.
“Actualnews” saytına istinadən məlumatına görə, artıq bu messencerin istifadəçiləri bir-birinə animasiyalı görüntülər göndərə biləcəklər. Yeniliyin üstünlüklərini ilk olaraq iOS cihazlarının sahibləri qiymətləndirə biləcəklər.
Artıq populyar “WhatsApp” messencerinin istifadəçiləri də GİF formatlı görüntülərlə mübadilə edə bilərlər. İlk olaraq əlavənin istifadəçiləri iOS cihazlarının istifadəçiləri üçün bu funksiyaları tətbiq ediblər. İstəyə görə dialoqa standart kitabxanadan animasiya əlavə etmək, onu telefondakı videoyazılardan yaratmaq, həmçinin “Live Photos” göndərmək mümkün olacaq. Dialoqa belə görüntünü əlavə etmək üçün “birləşdirmək” düyməsini sıxmaq, “Foto/Video” bəndində GİF-i seçmək lazımdır ki, bu da “3D Touch” texnologiyası sayəsində mümkün olacaq.
“WhatsApp” tərtibatçıları “Android” əməliyyat sistemi cihazlarının istifadəçilərini də unutmayıblar. Onlar üçün ötən ayın ortalarında videozənglər funksiyasının tətbiqinə başlanılıb. Hələlik beta sınaqlar çərçivəsində bu funksiya yalnız çox az adamın istifadəsindədir. Ancaq yaxın gələcəkdə yenilikdən messencerin bütün azarkeşləri istifadə edə biləcəklər.
Lent.az
