“Microsoft” şirkəti “Windows 10” istifadəçilərinə Əməliyyat Sisteminin dəstəyinin sona yaxınlaşması barədə məlumat verməyə başlayıb.
Bu il iyunun 13-dən “Windows 10″un yenilənməsi dayandırılacaq.
Şirkət xatırladıb ki, “Windows 10 Home”, “Pro” və təhsil müəssisələri, eləcə də korporativ müştərilər üçün modifikasiyalar iyunun 13-dək “Windows 11” ilə əvəz edilməlidir.
Xatırladaq ki, 21H2 yeniləməsi 16 noyabr 2021-ci ildə istifadəyə verilib. “Windows 10”-un ilk versiyasının buraxılışı 29 iyul 2015-ci ildə baş tutub. 31 yanvar 2023-cü ildə “Microsoft” öz saytında “Windows 10” lisenziyalarının satışını dayandırıb.
