“Xiaomi” qatlanan smartfonunun yeni nəslini – Mix Fold 3 modelini təqdim edib, Banker.az bu barədə Kommersant-a istinadən xəbər verir. Çində yeniliyin qiyməti 1.2 min dollardan başlayacaq.
Smartfon 8 düymlük qatlanan OLED displey, 6.5 düymlük xarici AMOLED displey, Snapdragon 8 Gen 2 prosessoru, 12 və ya 16 Gb operativ yaddaş, 256, 512 və ya 1 Tb daxili yaddaşla təchiz edilib.
4800 mAh tutumlu batareya 67 Vt simli və 50 Vt simsiz doldurmanı dəstəkləyən iki elementdən ibarətdir. Digər şeylər arasında smartfon “Harman Kardon” dinamikləri ilə təchiz edilib və NFC moduluna malikdir. Xiaomi Mix Fold 3 satışları bu yay başlayacaq.
