9 C
Baku
Friday, March 1, 2024

Zaporojye AES xarici enerji təchizatına çıxışını itirib

Atom Enerjisi üzrə Beynəlxalq Agentlik (AEBA) Zaporojye AES-in növbəti dəfə xarici enerjiyə çıxışını itirdiyini və hazırda reaktorları soyutmaq və nüvə təhlükəsizliyini qorumaq üzrə digər mühüm vəzifələri yerinə yetirmək üçün fövqəladə dizel-generatorları işə saldığını bildirib.

Bu barədə agentliyin saytında dərc olunmuş bəyanatda deyilib.

Sənəddə qeyd olunub ki, ZAES-də olan AEBA ekspertlərindən ibarət qrup stansiyanın saat 15:30-da (Bakı vaxtı ilə 16:30-da) xarici enerji təchizatından məhrum olduğunu açıqlayıb:

“İlkin olaraq stansiyadakı 20 dizel generatorunun hamısı avtomatik qoşulub. İndi onlardan səkkizi obyekti ehtiyat elektrik enerjisi ilə təmin edir, qalan 12 generator isə gözləmə rejiminə keçirilib”, – təşkilat qeyd edib.

Eyni zamanda vurğulanıb ki, qəza dizel-generatorları stansiyanı ən azı on gün təmin edə biləcəklər.

Qurum nümayəndələri də altı reaktorun təhlükədə olmadığını bildiriblər: “Stansiyanı və yaxınlıqdakı Enerqodarı istiliklə təmin etmək üçün isti dayanma vəziyyətində olan iki reaktor soyumağa hazırlanacaq. Qalan dörd reaktor soyuq dayandırma rejimində qalır”.

MənbəReport
Son xəbərlər
Digər xəbərlər