“Zolotaya Korona” pulköçürmə sisteminin Avropa bölməsi olan Koronapay Europe Limited ödəniş operatoru lisenziyasının könüllü ləğvi proseduruna başlayıb. Bu barədə şirkətin açıqlamasına istinadən Frank Media məlumat yayıb.
Hazırda yeni pulköçürmələr əlçatan deyil. Artıq göndərilmiş vəsaitləri isə Korona mobil tətbiqi vasitəsilə geri qaytarmaq mümkündür.
“Zolotaya Korona” 2020-ci ilin mayında KoronaPay brendi ilə Avropa bazarına çıxmışdı.
2026-cı ilin iyulunda sistemin operatoru olan RNKO “Platejnıy Tsentr” Avropa İttifaqının 21-ci sanksiyalar paketinə daxil edilib. Paketə ümumilikdə 90-dan çox Rusiya bankı, o cümlədən Yandex Bank, Tochka Bank, Ozon Bank, WB Bank və MTS Bank da salınıb.
Elə həmin gün “Zolotaya Korona” Gürcüstan, Belarus və Qazaxıstana pulköçürmələri dayandırıb. Daha sonra Azərbaycan da əlçatan ölkələr siyahısından çıxarılıb.
Hazırda Rusiyadan “Zolotaya Korona” vasitəsilə pulköçürmələr yalnız dörd ölkəyə — Özbəkistan, Türkiyə, Qırğızıstan və Çinə mümkündür.
