Varlı ata Kasıb ata
Robert Kiosaki və Şeron Lektorun müştərək yazdığı bu kitab insanlara müasir həyatda yüksək rifah içində yaşamağın yollarını, varlanmağın sirlərini öyrədir. Müəlliflər öz təcrübələrini bölüşür, qanunları pozmadan necə var-dövlət qazanmağın mümkün prinsip və şərtlərini təhlil edirlər.
Kitabdan çıxan başlıca nəticə budur ki, müasir dövrdə çox pul qazanmaq üçün çox işləməyə ehtiyac yoxdur, sadəcə, ağıllı olmaq, enerjini, biliyini, əlində olan vəsaiti düzgün paylaşdırmaq və ondan səmərəli istifadə etmək lazımdır. Bunun yolu maliyyə savadına malik olmaq, bazar konyukturasını öyrənib bilmək və təcrübədə tətbiq etməkdir.
“Varlı ata, kasıb ata” kitabı öz həyatını firavanlıq içərisində keçirmək, var-dövlət toplamaq istəyənlər üçün çox faydalıdır.
Düşün və varlan
Yəqin ki, dünyada ən əhəmiyyətli və nüfuzlu kitab uğura, zənginliyə, maneələri aşa bilən həyat enerjisinə və məqsədyönlülüyə yönləndirən dərslik sayılır. “Düşün və varlan” kitabı 70 il ərzində zənginliyin yaradılması üzrə klassik dərslik sayılır. Napoleon Hill hər fəsildə pulun əldə edilməsinin sirlərini açır və bu sirlərdən istifadə edən minlərlə insan nəinki zənginlik əldə edir, üstəlik dayanmadan onu artırır və eyni zamanda öz şəxsi potensiallarını inkişaf etdirir, zənginləşdirir.
Kitab geniş oxucu kütləsi üçün nəzərdə tutulub.
Uğurlu satış üçün 55 məsləhət
“Uğurlu satış üçün 55 məsləhət” adlı bu kitab, peşəkar bir satıcının illər ərzində qazanmış olduğu bilgiləri paylaşma arzusundan yaranmışdır. Burada satış deyərkən, hər bir məhsulun birbaşa satışı və müxtəlif xidmətlərin daha yüksək səviyyədə göstərilməsi üçün çox sadə üsullar nəzərdə tutulur. Həmçinin müxtəlif sahələri əhatə edən satıcı-müştəri münasibətlərinin tənzimlənməsi, müştərinin hər bir xidmətdən razı qalmasını təmin edəcək vasitələr və bu münasibətlərin uğurlu sonluğa çatdırılma yolları göstərilmişdir. Məmnun müştəriləri yola salmaq istəyən hər bir xidmət obyekti və hər bir satıcı bu kitabdakı məlumatlardan faydalana bilər!
Zənginliyə və xoşbəxtliyə çatmağın 7 strategiyası
Bu kitab xoşbəxtlik və zənginlik arzusunda olan və bunu necə əldə etməyin yollarını öyrənmək istəyənlər üçün yazılmışdır. Bu yolların çətin, lakin şərəfli olduğunu qeyd edən müəllif həmin arzulara çatmağın 7 strategiyasını göstərmişdir. Bu strategiyalar biri digərini tamamlamaqla anlaşılan ardıcıllıqla verilmişdir. Kitab geniş oxucu dairəsi üçün nəzərdə tutulmuşdur.
Necə güclü rəqib olmaq olar?
Bestseller seriyasından olan yeni kitabında Ceffri Foks ayrıayrı şirkətlərin nəyin sayəsində güclü rəqibə çevrilmələrindən və öz bazarlarında liderlik mövqeyi qazanmalarından söhbət açır. Bu kitab bazarda özünü təsdiq etmək, hətta tariflər yüksək olmayan vaxtı imkanları əldən buraxmamaq və udmağı davam etdirmək üçün necə fikirləşmək və nə ilə risk etmək barədə cəlbedici əsərdir. Kitab, ilk növbədə, rəhbər şəxslər və biznesmenlər üçün nəzərdə tutulmuşdur. Lakin o həmçinin geniş oxucu dairəsi üçün də maraqlı olacaqdır.
Dostları necə qazanmalı və insalara təsir etməli?
Altmış ildən çoxdur ki, Carnegie`nin kitabları bu gün çox məşhur olan min lərlə insanın biznes və şəxsi həyatında uğur qazandırıb. Siz bu kitabda öz imkanlarınızdan maksimum səmərəli istifadənin yol larını mənimsəyəcəksiz:
- İnsan hazırlığının üç əsas üsulları;
- Sənə bənzər insanları tapmağın altı yolu;
- Düşüncəylə insanlar üzərində qələbə çalmağın on iki üsulu;
- Narazı salmadan insanları dəyişməyin doqquz üsulu;
- Pis vərdişlərdən xilas olmağın yolları.
Şəxsi inkişaf üzrə dünyanın ən nüfuzlu trenerlərindən və ən çox satılan müəlliflərindən biri olan Brayan Treysinin, minlərlə uğurlu və həmçinin uğursuz insanlar arasında aparılmış araşdırmaların nəticələrinə və əsrlərin sınağından keçmiş prinsiplərə əsaslanan praktiki məsləhətlərlə zəngin “Məqsədlər” kitabı oxucuya qısa müddətdə istənilən məqsədə nail olmaq imkanı yaradan “sehrli dərslik”dir.
Bu kitabda verilən sınaqdan keçmiş və son dərəcə praktiki olan məsləhətlərə əməl etməklə siz çox qısa müddətdə düşündüyünüzdən daha artıq nailiyyət əldə edəcəksiniz. İrəliləyiş sürətiniz sizi və ətrafınızdakı insanları təəccübləndirəcək. Bu sadə və asanlıqla tətbiq edilə bilən metodlara əməl etməklə qısa müddətdə indiki vəziyyətinizdən daha zəngin ola biləcəksiniz. İndiyə kimi yaşadığınız yoxsulluq və məyusluğu rifah və məmnunluq əvəz edəcək. Dost və qohumlarınızdan daha irəli gedəcək və tanıdığınız bütün insanlardan daha çox nailiyyət əldə edəcəksiniz.
Zənginliyin açarı
Siz yalnız pulla əldə edilən maddi rifaha can atırsınız. Çünki öz istedad və bacarığınızdan faydalanaraq həyatın təqdim etdiyi naz-nemətlərdən maksimum dərəcədə həzz almaq istəyirsiniz. Bu, zənginliyə doğru uzanan yollardan yalnız biridir və ona, son məqsədə ancaq bircə şərtlə nail olmaq mümkündür – siz zənginliyə doğru aparan yolun açarını tapmalısınız. Napoleon Hill zənginliyin əldə edilməsi üçün universal açarı təqdim edir. Bu açarı o özü kəşf edib. Onun fövqəladə mexanizmi cazibədar dünya qarşısındakı qapıları üzünüzə taybatay açacaq. Bu kitabı oxumaqla həmin sehrli açarı əldə edəcəksiniz.
Bir dəqiqə idarəçisi
“Bir dəqiqə idarəçisi” idarəçiliyin bütün elementar prinsiplərini öyrədir. Əgər insanların ən yaxşı tərəflərini üzə çıxarmaq istəyirsinizsə, “Liderlik və Bir Dəqiqə İdarəçisi” sizə ən yaxşı yol göstərə bilər. Bəs, effektiv idarəçi niyə belə vacibdir? Çünki siz kreativ, sadiq pərəstişkarlar yaratmaq arzusundasınız. Bunun yeganə yolu isə “Həqiqətən Ürəkdən” kitabından keçir. Sonda, siz işçilərə öz meymunlarının qayğısına qalmağı öyrətməlisiniz. Onlar meymunları özlərindən yuxarıda olan iyerarxiya pilləkəninə qaldırmamalıdırlar.
