“2024-2026-cı illərdə azad edilmiş ərazilərə 34500 ailənin köçürülməsi nəzərdə tutulur”.
Bunu “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”na həsr olunmuş tədbirdə Dövlət Şəhərsalma və Arxitektura Komitəsinin sədri Anar Quliyev deyib.
Komitə sədri bildirib ki, bu illər ərzində həmin ərazilərdə yol və sosial infrastrukturun layihələndirilməsi, yaşıl enerji zonasının yaradılması prioritet istiqamətdir:
“Şəhərsalma siyasəti daim təkmilləşdirilir, yeni innovativ layihələr azad edilmiş ərazilərdə ilk dəfə tətbiq edilir”.
