Şotlandiyanın “Macallan” viskisi indiyə satılan ən bahalı içki olub.
Banker.az xəbər verir ki, bu haqda Böyük Britaniyanın “Sotheby’s” auksion evi məlumat yayıb.
60 illik viski Londonda keçirilən hərraclarda 1,9 milyon dollara satılıb və bu yeni rekorddur. Daha əvvəl eyni markanın içkisi Michael Dillon rəssamının əli ilə boyanmış butulkada 1,5 milyon dollara satılmışdı.
Qeyd edildiyi kimi, hərracların başlanğıcında viskinin qiyməti 350-450 funt sterlinq təşkil edib. O, 1986-cı ildə 263 nömrəli çəlləkdən süzülmüş qırx butulkalardan biridir.
2018-ci ilin may ayında Hong-Kongda keçirilən hərraclarda “Macallan” ın 1926-cı il viskisi 1,1 milyon dollar qiymətinə satılmışdı.
