“Yanacağa qənaət etmək üçün avtomobilləri mütəmadi olaraq təmir etdirmək lazımdır”.
Bu fikirləri Türkiyənin Neft Məhsulları İşəgötürənlər Birliyinin rəhbəri İmran Oxumuş deyib.
O bildirib ki, ətraf mühitin təhlükəsizliyi və xərclərin minimum endirilməsi üçün yanacaqdan mümkün qədər səmərəli istifadə etmək lazımdır.
“Ucuz yanacaq almayın. Sürücülər ilk 5 kilometrdə yüksək sürətlə hərəkət etməməyə diqqət etməlidir. Çünki ilk kilometrlərdə yüksək sürət zamanı mühərrikin iç sürtünməsi artır və buna görə yanmamış yanacaq yanma kameralarına keçir və istehlak ciddi şəkildə artır. Yanacaq sərfiyyatında optimal dəyəri müəyyən etmək üçün 90km/saat ideal sürətdir. Sürücülər avtomobillərini sabit sürətlə sürməlidirlər və təkərlərin hava təzyiqi dəqiq ölçüdə olmalıdır”, – deyə İ.Oxumuş bildirib.
