“Gürcüstan hava yolları” aviaşirkəti Rusiyanın Nəqliyyat Nazirliyinə qarşı 25 mln. dollarlıq iddia qaldırmağa hazırlaşır.
Report agentliyi xəbər verir ki, bu barədə şirkətin baş direktoru Roman Bokeria bildirib.
Onun sözlərinə görə, Avropa Məhkəməsinə ünvanlanacaq şikayət Rusiya tərəfinin Gürcüstana uçuşlara qadağaya dair ədalətsiz qərarı ilə bağlıdır.
R.Bokeria qeyd edib ki, Rusiyanın qadağası nəticəsində “Gürcüstan hava yolları” şirkəti əhəmiyyətli maliyyə itkiləri ilə üzləşib və şirkətin sərnişinlərinin hüquqları pozulub.
Qeyd edək ki, Rusiya Gürcüstana burbaşa aviauçuşları bu il iyulun 8-dən etibarən dayandırıb.
