Yeni növ koronavirusun yayılmasına görə 2020-ci ildə beynəlxalq turizm sektorunun itkisi 320 milyard ABŞ dollarına çatıb ki, bu da 2009-cu ildə iqtisadi böhran səbəbindən bu sahədə yaşanan itkidən üç dəfədən də çoxdur.
Bu barədə BMT-nin Ümumdünya Turizm Təşkilatı (UNWTO) məlumat verib.
UNWTO qeyd edir ki, koronavirus səbəbindən tətbiq edilən məhdudiyyətlər və ölkələrin, demək olar, tamamilə bağlanması nəticəsində turistlərin sayı 300 milyon azalıb.
Yanvar-may aylarında keçən ilin eyni dövrü ilə müqayisədə dünya ölkələrinə turist səfərlərinin sayı 56% azalıb. May ayında səfərlərin sayı 2019-cu ilin analoji dövrü ilə müqayisədə 98% azalıb.
