Dünyaca məşhur Interband konsaltinq agentliyi növbəti dəfə dünyanın ən bahalı brendlərinin reytinqini təşkil etdi. Reytinqdə iştirak edən 100 şirkətin əksriyyəti yüksək texnologiyalı şirkətlərdir. Reytinqin lideri də bir il ərzində dəyişməmişdir və bu Apple şirkətidir. Ekspertlər brendi 118,8 milyard dollar olaraq qiymətləndirmişlər. Brendin dəyəri bir il ərzində 21% artmışdır.
Apple şirkətinin ardıyca reytinqdə ikinci pilləyə dəyəri 107 milyard dollar olan Google şirkəti gəlir. Üçlüyü isə 81,6 milyard dollar ilə Coca-Cola şirkəti tamamlamışdır. Reytinqin 100 iştirakçısından 13-ü yüksək texnologiyalar sahəsinə aiddir.
