“Gürcüstanın 2021-ci il üçün dövlət büdcəsində ölkədə iqtisadi artım proqnozu 4.3% müəyyən edilib”.
Banker.az xəbər verir ki, bu barədə ölkənin maliyyə naziri İvane Maçavariani bildirib.
Nazirin sözlərinə görə, əvvəlcə gələn il üçün 5%-lik iqtisadi artım proqnozlaşdırılsa da, koronavirus (COVID) pandemiyasının güclənməsi proqnoza yenidən baxmaq zərurəti yaradıb.
O, büdcənin yenilənmiş versiyasının noyabrın 30-na qədər parlamentə təqdim olunacağını da qeyd edib.
Hazırda bu ölkədə koronavirus pandemiyası səbəbindən ölkənin sərhədlərinə tətbiq etdiyi məhdudiyyət səbəbindən turist axını kəskin düşüb, ixrac azalıb. Nəticədə milli valyuta lari ucuzlaşmaqdadır.
