BANKER.AZ — Birləşmiş Krallıqda COVID-19 virusunun mutasiyası və onun sürətli yoluxma ehtimalı sərt karantin rejimlərinin tətbiqinə sövq etməkdədir. Bu xəbərlər isə öz növbəsində Asiya birjalarında neftin bir barreli 48 dollardan aşağı salıb.
Londonun qitələrarası fond birjasında Brentin (fevral-2021 fyuçersi) bir barreli 2.43 dollar, yəni, 4.65% ucuzlaşmaqla 49.83 dollara düşüb.
Nyu-York əmtəə birjasında WTI neftinin bir barelinin qiyməti 2.48 dollar, yəni, 5.05% düşməklə 46.62 dollar olub.
Ümumdünya Səhiyyə Təşkilatı (ÜST) Niderland, Danimarka və Avstraliyada da İngiltərədə təsbit edilmiş yeni koronavirus növü aşkar edib. 16 milyondan çox britaniyalının sərt karantin rejimi ilə evdə qalması tələb edilir. Bura paytaxt London və İngiltərənin cənubi-şərqi hissəsi daxildir. Bir çox Avropa ölkələri isə “vətəndaşların sağlamlığını” əsas gətirərək Böyük Britaniya ilə hava nəqliyyatı ilə sərnişin daşınması əlaqələrini dayandırıb.
Koronavirusun mutasiyası ABŞ və bir neçə ölkələrdə COVID-19 epidemiyasına qarşı hazırlanmış peyvəndin tətbiqinə dair stimul plnanın tətbiqi zamanı ortaya çıxır. 14 dekabrda iki partiyalı bir senator qrupu, iki ayrı qanun layihəsinə ayrılan 908 milyard dollarlıq qanunvericilik təklifini yayımladı: həftədə 738 dollar uzadılmış işsizlik müavinətləri, kiçik biznes kreditləri, qida yardımı olan 300 milyard dollarlıq maliyyə planı və kirayə ilə təcili yardım. 160 milyard dollarlıq ikinci təklif, əyalətlərə və bələdiyyələrə maliyyələşdirmənin yanında COVID-19 iddialarından müəssisələrin məsuliyyət qorunmasını təmin edir.
Xam neftin qiyməti Şanxay Beynəlxalq Enerji Birjasında 2.1% ucuzlaşmaqla 308.7 yuana düşüb. Halbuki, birjalar ötən həftənin son iş günündə 4.6% bahalaşma ilə bağlanmışdı.
