Növbəti ilin büdcəsində xalis büdcə kreditləşməsinin, o cümlədən verilməsi və bağlanması nəzərdə tutulan büdcə kreditlərinin məbləği və xarici dövlətlərə veriləcək kreditlərin məbləğinin əksini tapması təklif olunur.
Bu, Hesablama Palatasının “Azərbaycan Respublikasının 2022-ci il dövlət büdcəsi” layihəsinə rəyində qeyd olunub. Rəydə təklif edilib ki, həmçinin, növbəti ilin dövlət büdcəsində planlaşdırma dövrünün hər ili üçün qeyri-neft baza kəsirinin (profisitinin) məbləği, VBT-nin DMS (Dövlət Maliyyə Statistikası) 2014-ə uyğunlaşdırılmasından sonra dövlət büdcəsi göstəriciləri (dövlət büdcəsinin əməliyyat xərcləri və qeyri-maliyyə aktivlərinin alınması ilə bağlı xərclər, qeyri-maliyyə aktivlərinin artması, maliyyə aktivlərinin artması, öhdəliklərin azalması, əməliyyat balansı və s.) də əksini tapsın.
