Ukraynanın Donetsk regionunun Rusiyanın nəzarətindəki Makeyevka şəhərində neft anbarını atəşə tutması nəticəsində 1 nəfər ölüb, 2 nəfər yaralanıb.
CNN-in xəbərinə görə, bu barədə “Donetsk Xalq Respublikası”nın Baş Qərargahı məlumat yayıb.
Bildirilib ki, anbarın atəşə tutulması nəticəsində ümumi həcmi 5 min kubmetr olan dörd geniştutumlu yanacaq çəni alışaraq yanıb.
Yayılan görüntülərdə ərazidəki yanacaq daşıyan maşınların da yandığı əks olunub.
Ukrayna Silahlı Qüvvələri ittihama cavab verməyib.
