Avropada təbii qazın qiyməti 14 iyuldan bəri ilk dəfə ICE birjasında ticarət zamanı 1000 kubmetr üçün 1050 dollardan aşağı düşüb. Belə ki, Hollandiyanın TTF qovşağında noyabr fyuçerslərinin qiyməti 1000 kubmetr üçün 989 dollar təşkil edib.
Banker.az bu barədə “Kommersant”a istinadən xəbər verir.
Ötən həftə Avropa Komissiyası TTF birjasında qazın dinamik qiymətinin tətbiqini təklif edib. Avropa İttifaqı (Aİ) liderlərinin Brüsseldə keçirilən sammiti nəticəsində qaz qiymətlərinə nəzarət tədbirləri ilə bağlı bəyanat da razılaşdırılıb. Təfərrüatlar Aİ-nin enerji nazirləri tərəfindən oktyabrın 25-də keçiriləcək görüşdə müzakirə olunacaq.
