İspaniyanın Madrid şəhərində NATO Parlament Assambleyasının 68-ci illik sessiyası açılır.
Bazar ertəsi Alyansın Baş katibi Yens Stoltenberq, Ukrayna Prezidenti Volodimir Zelenski (videoformatda) və İspaniyanın Baş naziri Pedro Sançesin çıxış edəcəyi gözlənilir.
Assambleyada 30 Alyans ölkəsindən, həmçinin NATO-nun tərəfdaş ölkələrindən 288 parlamentari iştirak edəcək.
Xatırladaq ki, Milli Məclisin deputatları, NATO Parlament Assambleyasındakı nümayəndə heyətinin üzvləri Siyavuş Novruzov, Məlahət İbrahimqızı, Kamran Bayramov və Elşən Musayevin NATO PA-nın 68-ci illik sessiyasında iştirak etmək üçün noyabrın 18-də İspaniya Krallığının Madrid şəhərinə səfər edəcəyi bildirilmişdi.
