Avropa Komissiyası Rusiyaya qarşı doqquzuncu sanksiyalar paketinin məzmununu açıqlayıb.
Bu barədə Avropa Komissiyasının rəhbəri Ursula fon der Lyayen bəyanat yayıb.
Lyayenin sözlərinə görə, paketdə əsas anti-Rusiya sanksiyaları var.
İlk olaraq sanksiya tətbiq edilən şəxslərin siyahısına əlavə olaraq 200-ə yaxın fiziki və hüquqi şəxs daxil edilib. Onların arasında Rusiya silahlı qüvvələri, eləcə də ayrı-ayrı zabitlər və hərbi sənaye müəssisələri, Dövlət Dumasının və Federasiya Şurasının üzvləri, nazirlər, qubernatorlar, siyasi partiyalar və s. var.
Rusiya Regional İnkişaf Bankının əməliyyatlarına tam qadağa da daxil olmaqla, əlavə üç banka qarşı sanksiyalar tətbiq edilib, xüsusilə ikili təyinatlı mallara yeni ixrac nəzarəti və məhdudiyyətlər var. Buraya əsas kimyəvi maddələr, elektronika və texnologiya komponentləri daxildir.
Daha sonra Yəni, dron mühərriklərinin birbaşa Rusiyaya ixracına və bu ölkəyə pilotsuz təyyarələr verə biləcək hər hansı üçüncü ölkələrə, məsələn, İrana ixracına qadağa qoyulacaq.
Avropa Rusiya təbliğatının yayılması üçün bütün telekanalların yayımına qadağa qoyulub.
Rusiyanın energetika və mədənçıxarma sektorlarına qarşı əlavə iqtisadi tədbirlər, o cümlədən dağ-mədən sənayesinə yeni investisiyaların qoyulmasına qadağa tətbiq olunub.
Bundan əlavə, paketə bu həftə qüvvəyə minən Rusiya neftinin idxalına Avropa İttıfaqının ümumi qadağası, həmçinin “Böyük Yeddilik” (G7) tərəfindən razılaşdırılmış qlobal neft qiymətləri həddi əlavə olunur.
Xatırladaq ki, dekabrın 5-dən etibarən Avropa İttifaqı tərəfindən Rusiyadan neftin qiymətinə məhdudiyyətlər qüvvəyə minib. Onları G7 ölkələri və Avstraliya dəstəkləyib.
