2022-ci ilin 9 ayı üzrə Azərbaycanın xariclə qarşılıqlı xidmətlər dövriyyəsinin 40.6%-i nəqliyyat xidmətləri üzrə aparılan əməliyyatların payına düşür.
Bu barədə Banker.az-a Azərbaycan Mərkəzi Bankından bildirilir.
Ümumi dəyəri 4.0 mlrd. dollar olan nəqliyyat xidmətlərinin 65.2%-i qeyri-rezidentlərin Azərbaycanın nəqliyyat xidmətlərindən istifadəsi ilə əlaqədar olunub.
Azərbaycan rezidentlərinin qeyri-rezidentlərə göstərdikləri nəqliyyat xidmətlərinin dəyəri 2.6 mlrd. dollar, qeyri-rezidentlərin Azərbaycan rezidentlərinə göstərdikləri nəqliyyat xidmətlərinin dəyəri isə 1.4 mlrd. dollar təşkil etmişdir.
Dövr ərzində qeyri-neft-qaz sektoru üzrə nəqliyyat xidmətlərinin ixracı illik müqayisədə 15.3%, idxalı isə 21.3% artıb.
Nəticədə nəqliyyat xidmətləri üzrə profisit 2022-ci ilin 9 ayında 2.1 dəfə artaraq 1.2 mlrd. dollara yüksəlib.
AMB qeyd edir ki, nəqliyyat xidmətləri üzrə profisit 2021-ci ilin 9 ayında 0.6 mlrd. dollar idi.
