Niderlandın “Heineken” pivə şirkəti 2023-cü ilin birinci yarısında Rusiya bazarını tərk edərək ölkədəki biznesini satmaq niyyətindədir.
“Biz çox çətin şəraitdə və şirkətə əhəmiyyətli maliyyə itkisi ilə işimizi etibarlı bir alıcıya köçürmək üçün səylə çalışırıq”, – “Heineken” şirkətinin açıqlamasında deyilir.
Xatırladaq ki, ötən ilin martında konsern Rusiya Federasiyasında pivə ixracının və investisiya layihələrinin dayandırıldığını bəyan edib.
Şirkət həmçinin bildirib ki, 2023-cü ilin ilk yarısında satışdan 300 milyon avro itki gözləyir.
