Bank sistemi üzrə dövriyyədə olan ödəniş kartlarının sayı fevral ayının sonunda
ötən aya nəzərən 166 min ədəd artaraq 13 milyon 654 min ədəd təşkil edib.
Banker.az bu barədə AMB-yə istinadən xəbər verir.
Keçən ilin müvafiq dövrü ilə müqayisədə bu göstərici 18.4% artmışdır.
Ödəniş kartlarında artım debet kartları üzrə 16.9%, kredit kartları üzrə 28.7% təşkil
etmişdir. Ötən ilin müvafiq dövrünə nəzərən əməkhaqqı kartlarının sayı 118 min,
kredit kartları 420 min, digər kartlar isə 1.5 mln. ədəd artmışdır.
2023-cü ilin fevral ayının sonunda əvvəlki ay ilə müqayisədə əməkhaqqı kartları 8 ədəd azalaraq 2 milyon 728 min ədədə düşüb.
