ABŞ rusiyalı milyarder Alişer Usmanovla əlaqəli maliyyə şəbəkəsinə yeni sanksiyalar tətbiq edib.
Bu barədə ABŞ Maliyyə Nazirliyi məlumat yayıb.
Bildirilib ki, Britaniya hökuməti ilə koordinasiyalı şəkildə razılaşdırlan yeni sanksiyalar 25 nəfər və 29 qurumu hədəf alır.
Rusiyanın ən varlı milyarderlərindən biri olan Usmanov 2022-ci ilin martında Moskvanın Ukraynaya genişmiqyaslı işğalından bir neçə həftə sonra sanksiyalara məruz qalıb.
