“PayPal Ventures” bizneslərə müştəriləri web3-ə köçürməyə kömək edən rəqəmsal pul kisəsi provayderi “Magic” startapına investisiya raunduna rəhbərlik edib, Banker.az bu barədə xarici mediaya istinadən xəbər verir.
Bilirilir ki, “Magic” “strateji maliyyələşdirmə raundu” çərçivəsində 52 milyon dollar toplayıb. Maliyyə raundunda “Cherubic”, “Synchrony”, “KX”, “Northzone” və “Volt Capital” iştirak edib. Şirkət indiyə qədər ümumilikdə 80 milyon dollardan çox vəsait topladığını vurğulayıb.
“Magic”in həmtəsisçisi və baş icraçı direktoru Sean Lee deyir: “Biz sənayenin geniş spektrində iri müəssisələr arasında web3 istifadə hallarının davamlı artımını müşahidə edirik”. Onun sözlərinə görə, qlobal brendlər blokçeynin kriptovalyutadan kənar potensialını tanıyıb və ondan müştəriləri ilə qarşılıqlı əlaqə yaratmaq və təcrübələrini yeni yollarla pul qazanmaq üçün istifadə edirlər.
Şirkətin fəaliyyətinin əsas məqsədi istehlakçılara e-poçt ünvanı və ya sosial media hesabı ilə qurula bilən cüzdanda rəqəmsal aktivləri saxlamağı asanlaşdırmaqdır.
