2023-cü ilin dövlət büdcəsində əhalinin və sahibkarlıq subyektlərinin vergi yükünün azaldılmasına, eləcə də sahibkarlıq fəaliyyətinin təşviq edilməsinə hədəflənmiş vergi və gömrük sahəsində müxtəlif istiqamətlərdə güzəşt və azadolmalar proqnozlaşdırılır.
Nazirlər Kabinetinin 2023-cü il 15 aprel tarixli 116 nömrəli Qərarı ilə Azərbaycanda istehsalı olmayan 272 adda xammal və materialların idxalı üzrə gömrük rüsumlarının dərəcələri 2024-cü ildən 7 il müddətinə 0-a endirilməsi büdcə gəlirlərini 100 mln. manat azaldacaq.
Bu barədə Hesablama Palatasının 2024-cü ilin dövlət büdcəsinin layihəsinə verdiyi rəydə bildirilib.
Qeyd edək ki, 2023-cü il 05 sentyabr tarixli 307 nömrəli Qərarı ilə istehsal fəaliyyətinin stimullaşdırılması məqsədilə idxalda ƏDV-dən azad olunan texnika və avadanlıqların siyahısı təsdiq edilmişdir ki, bu da növbəti il üçün büdcə gəlirlərini 25 milyon manat azaldacaq.
