Avropa Şurasının sədri Şarl Mişel vəzifəsini vaxtından əvvəl tərk edərək Avropa Parlamentinə seçkilərdə iştirak etmək qərarına gəlib.
“Mən 2024-cü ildə keçiriləcək Avropa seçkilərində iştirak etmək qərarına gəldim. Əgər seçilsəm, yerimi tutacağam. Avropa Şurası iyunun sonu və ya iyulun əvvəlində varisini gözləyə və təyin edə bilər”, – Şarl Mişel deyib.
Avropa Şurasının rəhbəri seçkilərə İslahat Hərəkatı partiyasından qatılacaq. O, iyulun 16-da Avropa Parlamentinin üzvü kimi and içənə qədər Avropa Şurasının rəhbəri vəzifəsini icra etmək niyyətindədir.
Şarl Mişel 2019-cu ildən bəri Avropa Şurasına rəhbərlik edir, bundan əvvəl o, Belçika hökumətinin rəhbəri olub. Onun səlahiyyət müddəti 2024-cü il noyabrın sonunda başa çatır. Avropa Parlamentinə seçkilər 6 iyun tarixdən 9-a qədər olacaq. Onların ardınca Avropa Komissiyasının yeni tərkibinin təsdiqi və Avropa Şurasının yeni prezidentinin seçilməsi keçiriləcək.
