Londonda yerləşən Beynəlxalq Qəhvə Təşkilatının (International Coffee Organization, ICO) aprel hesabatında deyilir ki, robusta (Robusta) qəhvəsinin qiymətləri 1979-cu ilin iyul ayından bu yana 45 ilin ən yüksək səviyyəsinə çatıb.
Onun məlumatlarına görə, aprel ayında topdansatış qiymətləri orta hesabla bir funt üçün 1.94 dollar (bir kilo üçün təxminən 0.88 dollar) təşkil edib. Səbəb dünyanın ən böyük robusta istehsalçısı olan Vyetnamın keçən zəif mövsümdən sonra “təchizat çətinlikləri ilə üzləşməsi”dir.
“Bloomberg” bildirib ki, bu problemlər suvarma üçün su ehtiyatını tükəndirən və 2024-cü ildə yaxşı məhsul əldə etmək perspektivlərini azaldan istilər ilə daha da ağırlaşa bilər. Agentlik bildirir ki, London birjasında robusta fyuçersləri son altı ayın beşində bahalaşıb. Aprel ayında qıtlıq təhlükəsi səbəbindən qiymətlər son 16 ilin ən yüksək səviyyəsinə çatıb.
Martın sonunda kakao paxlasının fyuçerslərinin qiyməti tarixdə ilk dəfə olaraq bir ton üçün 10 000 dollardan yuxarı qalxıb. Bu, digər şeylərlə yanaşı, Qərbi Afrika ölkələrində məhsulun zəif olması səbəbindən tədarük çatışmazlığı ilə bağlı narahatlıqlarla bağlıdır.
Mayın 6-da Bakı vaxtı ilə saat 17:59-da Londonun ICE birjasında bir ton kakaonun qiyməti 7694 dollar olub.
