“Qala Maşınqayırma” ASC 2023-cü ili 177 min manat mənfəətlə başa vurub. 2022-ci ildə şirkət 120 min manat zərər etmişdir.
Banker.az bu barədə ASC-nin maliyyə hesabatına istinadən xəbər verir.
Ötən il “Qala Maşınqayırma” ASC-nin əsas əməliyyat gəlirləri 1 milyon 744 min manat (əvvəlki ilə nisbətən 6% çox), əsas əməliyyat xərcləri 1 milyon 434 min manat, sair əməliyyat xərcləri 18 min manat, fövqəladə xərclər 58 min manat olub.
Hesabat dövründə şirkətin cəmi aktivləri 2 milyon 802 min manatdan 2 milyon 941 min manata, cəmi öhdəlikləri 2 milyon 562 min manatdan 2 milyon 714 min manata, cəmi kapitalı isə 2 milyon 562 min manatdan 2 milyon 714 min manata çatıb.
“Qala Maşınqayırma” ASC neft-mədən sahələri üçün vacib sayılan avadanlıqlar, yəni ştanq elevatorları və tutucu tərtibatlı boru elevatorları, yuyucu fırlanğıc, dayaq traversinin düyümü, mexaniki çıxarıcı və bir sıra məhsulların istehsalçısıdır.
