Avropa diplomatiyasının rəhbəri Josep Borrell bildirib ki, Avropa İttifaqı Rusiyanın dondurulmuş aktivlərindən əldə edilən gəlirlərdən istifadə etməyə başlayıb. Onun sözlərinə görə, Kiyev və Aİ ölkələrinə ümumilikdə 1.4 milyard avro yönəldilib, Banker.az bu barədə Kommersant.ru-ya istinadən xəbər verir.
“Biz dondurulmuş Rusiya aktivlərindən əldə edilən gəlirləri istifadə etməyə artıq başlamışıq. Vəsaitlər Ukrayna və Aİ üzvlərinə yönəldilib ki, bu da Ukraynanı daha çox silahla təmin edəcək”, – deyə Borrell bildirib.
Avropa Komissiyasının sədri Ursula fon der Leyen iyulun sonunda Aİ-nin Ukraynanın müdafiəsi və yenidən qurulması üçün 1.5 milyard avro ayırdığını açıqlayıb. Cənab Borrell əvvəllər demişdi ki, vəsait prioritet hərbi texnika – hava hücumundan müdafiə avadanlıqları və artilleriya mərmilərinin alınmasına sərf olunacaq.
