“Amazon”un qurucusu Ceff Bezos planetin ən varlı insanlarının siyahısında bir pillə geriləyib.
Bu barədə “Forbes” jurnalının yeni reytinq cədvəlində bildirilib.
“Oracle” korporasiyasının rəhbəri Larri Ellison 206,5 milyard dollar sərvəti ilə Bezosu (202,9 dollar) qabaqlayaraq siyahıda ikinci yeri tutub. Beləliklə, Bezos üçüncü yerdə qərarlaşıb.
Qeyd olunub ki, Ellisonun sərvəti bir gündə 8,8 milyard dollar artıb.
Siyahıda “SpaceX” və “Tesla” şirkətlərinin sahibi, amerikalı iş adamı İlon Mask lider olaraq qalır. “Forbes” onun sərvətini 250,8 milyard dollar qiymətləndirir.
