®İnnovativ İT həllərin təqdim edilməsi üzrə lider olan Technofusion şirkəti MUK şirkətlər qrupu ilə birlikdə “Oracle Exadata – dəyər və üstünlüklər” mövzusunda işgüzar səhər yeməyi təşkil etdilər. Tədbirdə Azərbaycanda fəaliyyət göstərən banklar, sığorta şirkətləri, həmçinin dövlət maliyyə institutları da daxil olmaqla aparıcı maliyyə qurumlarının 20-dən çox nümayəndəsi iştirak etmişdir.
Tədbirin əsas müzakirə mövzusu məlumat emalı və məhsuldarlığın artırılması üçün güclü alət olan Oracle Exadata həllinə həsr edilmişdi. Tədbirdə iştirak edən mütəxəssislər sözügedən texnologiyanın süni intellekt və maşın öyrənməsi vasitəsilə qurumlara məlumatların saxlanması, tranzaksiyaların emalı və analitika kimi məsələlərin effektiv həllinə necə yardım etdiyini təqdim etdilər.
Tədbir zamanı Oracle Exadata həllinin əyani istifadə təcrübəsindən danışan ölkənin aparıcı banklarından biri “Xalq Bank” ASC-nin nümayəndəsinin çıxışına xüsusi diqqət ayrıldı. Bankın nümayəndəsi qeyd etdi ki, sözügedən texnologiyanın köməyi ilə Bank məlumatların emalı, hesabatların hazırlanması və ehtiyat nüsxəsinin çıxarılması proseslərini xeyli sürətləndirə bilmişdir ki, bu da müştərilərə göstərilən xidmət keyfiyyətini daha da artırıb. Bundan əlavə, Oracle Exadata həllinin tətbiqi İT resurslardan daha səmərəli istifadə edib İT infrastrukturunu optimallaşdırmağa imkan yaratdı.
Tədbir iştirakçıları, həmçinin Oracle Exadata həllinin müxtəlif iş yüklərinin vahid system çərçivəsində birləşdirməyə, idarəetməni sadələşdirməyə, miqyaslılığı artırmağa və xərcləri azaltmağa necə imkan verdiyini müzakirə ediblər.
Tədbirin vacib məqamlarından biri də 2024-cü ildə buraxılmış Exadata X10M platformasının yeni nəslinin elanı edilməsi oldu. Dördüncü nəsil AMD EPYC prosessorları ilə təchiz edilmiş platformanın yeni versiyası məhsuldarlığı əhəmiyyətli dərəcədə artırmaqla yanaşı daha yüksək hesablama və saxlama sıxlığını təklif edir.
İşgüzar və səmimi mühitdə keçən tədbirdə iştirakçılar fəal şəkildə fikir və təcrübə mübadiləsi apardılar. Görüşün yekununda iştirakçılar Oracle Exadata həllinin öz qurumlarında tətbiqi ilə bağlı aktual suallarına cavab aldılar.
Technofusion haqqında:
2016-cı ildə təsis edildiyi gündən Technofusion şirkəti müştərilərə iş axınlarını optimallaşdıran, gəlirliliyi artıran və bazarda rəqabət üstünlüyü təmin edən İT həlləri təqdim edir.
Oracle, Dell, Cisco, Palo Alto və başqaları kimi qlobal nəhənglərlə əməkdaşlıq sayəsində Technofusion müasir biznesin yeni çağırışlarına cavab verən qabaqcıl rəqəmsal həllər təqdim edir.
Technofusion kibertəhlükəsizlik sahəsinin mütəxəssisidir, biznesinizin tam mühafizəsini təmin edir və kiberhücumların uğurunuza zərər vurmazdan əvvəl qarşısını alır.
MUK şirkətlər qrupu haqqında:
MUK şirkətlər qrupu Qafqaz, Mərkəzi Asiya və Avropada ölkələrində fəaliyyət göstərən İT həllər və avadanlıqların əsas distribütorudur. MUK şirkəti informasiya texnologiyaları sahəsində dünyanın aparıcı istehsalçılarından kompleks həlləri təklif edir.
2016-cı ildən Azərbaycanda da uğurla fəaliyyət göstərən MUK Tədris Mərkəzi müştərilərə təlim, yüksək keyfiyyətli avadanlıqlarda təcrübə və vendor avtorizasiyası üçün əlverişli şərait yaradır.
