Azərbaycanda iki illik dövlət istiqrazlarının gəlirliliyi yenidən artaraq 2020-ci ilin mayından bu tərəfə ilk dəfə 10 faizi keçib.
Banker.az xəbər verir ki, 3 dekabr 2024-cü il tarixində Bakı Fond Birjasında Maliyyə Nazirliyinin 728 gün olan istiqrazlarının yerləşdirilməsi üzrə hərracda ortaçəkili gəlirlilik 10.12 faiz olub. Keçən ay 9.92 faiz idi.Bu 0.2 faiz bəndi artım deməkdir.
Sonuncu dəfə dövlət istiqrazlarının gəlirliliyi 2020-ci ilin mayında 10.99 faiz olsa da, növbəti hərraclarda gəlirlilik 10 faizdən aşağı düşmüşdü. Dövlət istiqrazlarına tələb əvvəlki illərlə müqayisədə niyə aşağı olması barədə ətraflı linkdə.
İstiqrazların buraxılışı üzrə məlumatlar aşağıdakı kimidir:
| Emitent | Azərbaycan Respublikasının Maliyyə Nazirliyi |
| Dövlət istiqrazının növü | Kuponlu, ortamüddətli dövlət istiqrazları |
| Dövlət qeydiyyat nömrəsi – İSİN | AZ0201070379 |
| İstiqrazların tədavül müddəti | 728 gün |
| Buraxılış həcmi | 70,000,000 manat |
| Nominal dəyəri | 100 manat |
| Minimal qiymət | 95.5931 (10.5000%) |
| Maksimal qiymət | 96.8360 (9.7800%) |
| Kəsmə qiyməti | 95.5931 (10.5000%) |
| Ortaçəkili qiyməti | 96.2499 (10.1180%) |
| Reallaşdırılmış həcmi | 15,583,300 manat |
| Sifarişlərin Ümumi həcmi (nominal qiymətlə) | 15,583,300 manat |
| İnvestor sayı | 7 |
| Sifarişlərin sayı | 9 |
| Ödəmə tarixi | 01.12.2026 |
| Anderrayter | “PAŞA Kapital İ.Ş.” QSC |
