2013-cü ildə yaradıldığından bəri PASHA Bank Georgia yalnız korporativ bankçılığa fokuslanaraq, bizneslərin inkişafını gücləndirən fərdi maliyyə həlləri təqdim edir. Bank Gürcüstanda və regionda fəaliyyətini genişləndirib, sabit artım nümayiş etdirib və sərhədlərarası layihələrdə rolunu möhkəmləndirib.
Biz PASHA Bank Georgia-nın İdarə Heyətinin sədri Ramil İmamovla bankın inkişaf yolu və növbəti mərhələlər barədə danışdıq.
PASHA Bank Georgia 2013-cü ildə yaradılıb. Bank o vaxtdan bəri Gürcüstan bazarında özünü necə mövqeləndirib?
PASHA Bank Georgia yaradıldığı gündən etibarən bizneslərin inkişafını dəstəkləyən fərdi korporativ bank xidmətləri təqdim edib. Yalnız korporativ müştərilərə fokuslanmaqla, bank resurslarını və təcrübəsini bu seqmentdə dərin bazar bilikləri, daha çevik qərarvermə və orta və iri müəssisələrin dayanıqlı inkişafını təmin edən fərdi maliyyə həllərinə yönəldib.
“Biz sadəcə bank xidməti göstərmirik — bankçılıqdan kənara çıxan tərəfdaşlıqlar qururuq.”
PASHA Holding-in bir hissəsi olmaq Gürcüstan və regiondakı strateji istiqamətinizi necə formalaşdırır?
PASHA Holding-in üzvü kimi — aktivləri 2024-cü ilin sonuna 13,1 milyard ABŞ dollarını aşan və 22 mindən çox işçisi olan regional investisiya qrupunun tərkibində olmaq — PASHA Bank Georgia-ya güclü maliyyə sabitliyi və sektorlararası təcrübə qazandırır. Bu möhkəm baza bizə sərhədləri aşan iri layihələri maliyyələşdirməyə, enerji, infrastruktur və ticarət kimi əsas sahələrdə artım, innovasiya və əməkdaşlığı təşviq etməyə imkan verir
PASHA Bank Gürcüstanın strateji coğrafi mövqeyindən necə yararlanır?
Gürcüstanın Orta Dəhliz üzərində yerləşməsi ölkəni Avropa ilə Asiya arasında ticarət və enerji axınlarının vacib qovşağına çevirir. PASHA Holding-in gücü və onun Azərbaycan, Türkiyə və digər ölkələrdəki tərəfdaşlıqları sayəsində PASHA Bank Georgia enerji, logistika və sərhədlərarası infrastruktur layihələrinin maliyyələşdirilməsində fəal rol oynayır
Bu regional yanaşma müştərilərimizin bizneslərini inamla və dayanıqlı şəkildə genişləndirməsinə şərait yaradır.
PASHA Bank Georgia-nın son illərdəki maliyyə göstəricilərini necə xarakterizə edərdiniz?
2024-cü ildə PASHA Bank Georgia 8,3 milyon lari xalis mənfəət əldə edib, bankın ümumi aktivləri isə 33% artaraq bazar artım tempini üstələyib. Həmin il S&P Global Ratings bankın reytinqini B/B (Stabil baxış) səviyyəsində təsdiqləyib, bu da maliyyə sabitliyinin və inkişaf perspektivlərinin göstəricisidir. 2025-ci ilin ilk yarısında isə xalis mənfəət əvvəlki ilin eyni dövrü ilə müqayisədə 54% artıb. Eyni zamanda, biz Visa ilə strateji tərəfdaşlıq quraraq məhsul portfelimizi genişləndirdik və korporativ müştərilər üçün innovativ həllər təqdim etdik.
Maliyyə göstəricilərindən kənarlaşsaq, müştəri etimadını necə ölçürsünüz?
Bizim üçün artım yalnız maliyyə nəticələri ilə ölçülmür. Müstəqil araşdırmalar göstərir ki, PASHA Bank Georgia müştəriləri arasında yüksək etimad və sadiqlik qazanıb. Net Promoter Score (NPS) göstəricimiz 62 olub — bu, Gürcüstan bank sektorundakı ən yüksək nəticələrdəndir. Müştəri məmnuniyyəti (CSAT) isə 90% təşkil edir, yəni hər 10 müştəridən 9-u PASHA Bank Georgia ilə təcrübəsindən çox razıdır. Bu rəqəmlər bir həqiqəti əks etdirir: müştərilərimiz bizə təkcə etibar etmir, həm də bizi başqalarına tövsiyə edirlər — bu isə tərəfdaşlığın və etibarlılığın ən yüksək göstəricisidir.
PASHA Bank Georgia-nı cəlbedici iş yeri edən nədir?
PASHA Bank Georgia-nın gücü onun insan kapitalında cəmlənib. Bizim iş mühitimiz komanda işi, sahiblik hissi və nəticəyönümlülük prinsiplərinə əsaslanır — bu prinsiplər həm təşkilati uğuru, həm də şəxsi inkişafı təmin edir. Əməkdaşlar əməkdaşlığa, açıq dialoqa və beynəlxalq bilik mübadiləsinə dəyər verən bir mühitdə fəaliyyət göstərirlər
İş mühitindən kənarda əməkdaşlarınızı necə motivasiya edirsiniz?
PASHA Bank əməkdaşların motivasiyasını artırmaq üçün bir sıra təşəbbüslərə sərmayə qoyur — mövzu yönümlü tədbirlər, idman və intellektual yarışlar, maraq klubları, komanda toplantıları və mədəni layihələr. Bu təşəbbüslər rəqabətədavamlı əməkhaqqı, cəlbedici sosial paket və davamlı öyrənmə imkanları ilə birləşərək PASHA Bank Georgia-nı enerjili və məqsədyönlü iş mühitinə çevirir.
Gələcəyə baxsaq, PASHA Bank Georgia-nın uzunmüddətli vizionu nədir?
Bizim vizyonumuz – dayanıqlı inkişafı təmin etmək və Gürcüstanda, eləcə də regionda aparıcı korporativ bank tərəfdaşı mövqeyimizi daha da möhkəmləndirməkdir. Korporativ müştəriləri strategiyamızın mərkəzində saxlayaraq, güclü maliyyə nəticələri əldə etmək və müştəri etimadını xidmət keyfiyyəti və sosial təşəbbüslər vasitəsilə artırmaq niyyətindəyik.
2024-cü ildə əldə etdiyimiz 33%-lik aktiv artımı bu istiqamətdə mühüm mərhələ idi və biz bu dinamikanı gələcək illərdə də davam etdirməyi planlaşdırırıq.
Uğurlarımızın əsasında əməkdaşlarımızın peşəkarlığı və sadiqliyi dayanır. Onların fədakarlığı bizim dəyərlərimizi — açıq ünsiyyət, dürüstlük və əməkdaşlıq prinsiplərini təcəssüm etdirir
“Bu dəyərlər bizim uğurlarımızın və davamlı böyüməmizin əsas hərəkətverici qüvvəsidir,” – deyə Ramil İmamov vurğulayıb
Biz bu təməllər üzərində müştəri etimadını möhkəmləndirəcək, iqtisadi inkişafı dəstəkləyəcək və PASHA Bank Georgia-nı regionun etibarlı tərəfdaşı kimi daha da gücləndirəcəyik. Ən əsası isə, biz verdiyimiz vədə sadiq qalacağıq:
“Biz bankçılıqdan kənara çıxan tərəfdaşlıqlar qururuq.”
