ABŞ prezidenti Donald Tramp bazar ertəsi rəsmi səfərlə Yaponiyaya gəldikdən sonra imperator Naruhito ilə görüş keçirib. Bu barədə Yaponiyanın ictimai televiziya kanalı məlumat verib.
Görüş Tokionun mərkəzində yerləşən imperator sarayında baş tutub. Tramp Naruhito ilə artıq ikinci dəfə görüşür — 2019-cu ildə Ağ Evin rəhbəri taxta yeni çıxmış Yaponiyanın yeni imperatoru ilə görüşən ilk xarici lider olmuşdu.
Oktyabrın 28-də Trampın Yaponiyanın yeni Baş naziri Sanae Takaiti ilə danışıqlar aparacağı gözlənilir. Bu, Trampın ikinci prezidentlik dövründə Yaponiyaya ilk, ümumilikdə isə dördüncü səfəridir.
