®Unicapital İnvestisiya Şirkəti investorlar və investisiya ilə maraqlananlar üçün “İnvestisiyada yeni təcrübə: UTrader veb-portalı” mövzusunda maarifləndirici vebinar təşkil edib. Tədbirin əsas məqsədi şirkətin müasir investisiya həlləri, o cümlədən yeni Trading Portal veb-platformasının funksionallığını ətraflı izah etmək və istifadəçilərin investisiya prosesini daha rahat həyata keçirməsinə dəstək olmaq olub.
Vebinar zamanı Unicapital-ın Pərakəndə satış və xidmət şöbəsinin rəhbəri Mənsimə Lətifova Trading Portal-ın real istifadəsini nümayiş etdirib. Əməliyyatların icrası, hesabatlar bölməsinin istifadəsi, hesabların idarə edilməsi, multidiaqramlar paneli və digər vacib alətlər barədə detallı izah verilib.
Vebinarla paralel olaraq, Unicapital-ın direktoru Tofiq Həsənov yeni veb-portal haqqında fikirlərini bölüşüb: “UTrader Trading Portal-ı investorlara daha çevik, şəffaf və analitik baxımdan zəngin investisiya mühiti təqdim etmək məqsədilə hazırlanıb. Hədəfimiz müştərilərimizin qərarvermə prosesini ən yüksək standartlara uyğunlaşdırmaq və onlara qlobal bazarlara çıxışda daha peşəkar və intuitiv alətlər təqdim etməkdir. Bu platforma həm təcrübəli, həm də yeni başlayan investorlar üçün innovativ investisiya mədəniyyətinin formalaşmasına xidmət edir”.
Xatırladaq ki, UTrader Unicapital tərəfindən təqdim olunan müasir investisiya platformasıdır. Bu platforma vasitəsilə dünyanın aparıcı fond bazarlarında səhm və ETF-lər, kriptovalyutalar kimi 40 000-dən çox alətlə ticarət aparmaq mümkündür.
Şirkət müştərilərinin investisiya biliklərini artırmağa xüsusi diqqət ayırır və oxşar vebinarların davamlı təşkilinə xüsusi önəm verir. Növbəti vebinarlar barədə məlumatlı olmaq istəyən şəxslər link vasitəsilə qeydiyyatdan keçə bilərlər: https://forms.gle/SP93Bu1K27AnG6mb8
