Birləşmiş Ərəb Əmirliklərinin Dubay şəhərində 50 milyard dollara regionun ən böyük ticarət mərkəzi tikiləcək.
Bu barədə “Emaar Properties” məlumat yayıb.
Məlumata görə, “Dubai Creek Harbour” ərazisində inşa olunacaq “Dubai Square Mall”ın üç il ərzində açılışı planlaşdırılıb.
Sözügedən layihə “Downtown Dubay”dan təxminən üç dəfə böyük olacaq və Yaxın Şərqdə ən böyük pərakəndə satış mərkəzlərindən birinə çevriləcək.
Qeyd olunur ki, “Dubai Square Mall”da elektromobillər üçün xüsusi yerlər yaradılacaq və bu, müştərilərə maşınlarını tərk etmədən alış-veriş etmək imkanı verəcək.
Layihə həm də alış-veriş və xidmət proseslərini optimallaşdırmaq üçün süni intellekt elementlərini də özündə birləşdirəcək.
