İranda etirazlar zamanı təxminən 2 min nəfər həlak olub. Bu barədə adını açıqlamayan iranlı rəsmin bəyanatına istinadən “Reuters” məlumat yayıb. O, dinc sakinlərin və təhlükəsizlik qüvvələri əməkdaşlarının ölümündə “terrorçuları” ittiham edib. BMT etirazlar nəticəsində yüzlərlə qurbanın olduğunu bildirir.
“Bu dəhşətli zorakılıq dövrü davam edə bilməz. İran xalqının ədalət, bərabərlik və hüquq tələbləri eşidilməlidir”, — deyə BMT-nin insan hüquqları üzrə ali komissarı Folker Türk şərh edib.
İranda etirazlar 2025-ci ilin dekabr ayının sonunda başlayıb. Buna səbəb milli valyutanın kəskin ucuzlaşması və qiymətlərin sürətlə artması olub. Aksiya iştirakçıları siyasi rejimin dəyişdirilməsini tələb edirlər. Yanvarın 8-dən etibarən İranda internet kəsilib, 10 mindən çox insan saxlanılıb. ABŞ prezidenti Donald Tramp etirazçıların güllələnməsinə cavab olaraq İran ərazisinə zərbələr endirməklə hədələyib.
