Türkiyənin Mərkəzi Bankı (TCMB) cümə axşamı uçot faiz dərəcəsi sayılan bir həftəlik repo faiz dərəcəsini 38%-dən 37%-ə endirib. Bununla belə, bu, iqtisadçıların konsensus proqnozu olan 36.50%-dən yuxarıdır.
Banker.az xəbər verir ki, tənzimləyici bununla da yumşalma dövrünü davam etdirən bank, eyni zamanda inflyasiya ilə mübarizəyə sadiqliyini vurğulayıb.
Bank bildirib ki, dekabr ayında inflyasiyanın əsas meyli zəifləyib, lakin qabaqlayıcı göstəricilər yanvarda aylıq istehlak inflyasiyasının möhkəmləndiyini göstərir. Bununla belə, inflyasiyanın əsas meylində artım məhdud olaraq qalır.
Bəyanatda vurğulanıb ki, qiymət sabitliyi təmin edilənədək sərt pul-kredit siyasəti qorunacaq. Bank qeyd edib ki, siyasət faiz dərəcələri həm faktiki, həm də gözlənilən inflyasiya nəzərə alınmaqla müəyyən edilir.
Mərkəzi Bank həmçinin son rüb üzrə iqtisadi göstəricilərin tələbin dezinflyasiya prosesini dəstəkləməyə davam etdiyini göstərdiyini bildirib. Buna baxmayaraq, bank inflyasiya gözləntiləri və qiymətqoyma davranışlarının dezinflyasiya prosesi üçün risklər yaratdığını da diqqətə çatdırıb.
Bank faiz dərəcələrində dəyişikliklərin həcmini hər iclasda inflyasiya proqnozlarına fokuslanaraq ehtiyatla nəzərdən keçirdiyini və inflyasiyanın aralıq hədəflərdən əhəmiyyətli dərəcədə yayınacağı təqdirdə siyasətin yenidən sərtləşdirilə biləcəyini açıq şəkildə bildirib.
Milli valyuta lirə hələ ki, buna neytral reaksiya verib. Bir dollar foreksdə 43.3 lirəyə çatıb. Bu lirə üçün 21.5 faiz, son beş ildə isə 484 faiz ucuzlaşıb.
