Davos Ümumdünya İqtisadi Forumunun illik toplantısı çərçivəsində SOCAR ilə İsveçrənin “SICPA SA” şirkəti arasında Xidmətlər Sazişi imzalanıb.
Bu barədə SOCAR-dan bildirilib.
Sənədə əsasən, tərəflər müasir monitorinq texnologiyaları vasitəsilə birgə fəaliyyət çərçivəsinin yaranmasını təmin edəcəklər. Bu xüsusda, istehsal, daşınma və satış zəncirinin bütün mərhələlərini əhatə edən vahid və rəqəmsal nəzarət mexanizminin formalaşdırılması nəzərdə tutulur. “SICPA SA” şirkəti ilə əməkdaşlıq yeni həllər, enerji təchizatı zənciri üzrə təhlükəsizliyin təmin edilməsinə və şəffaflığın artırılmasına töhfə verəcək.
