Avstraliya Ehtiyat Bankı uçot faiz dərəcəsini 2023-cü ilin noyabrından bəri ilk dəfə artırıb. Bildirilir ki, faiz dərəcəsi 25 baza bəndi artırılaraq 3,85%-ə çatdırılıb.
Bu qərar inflyasiyanın yenidən artım əlamətləri göstərdiyini göstərir. Ölkədə inflyasiyanın son pik həddi (təxminən 8%) 2022-ci ilin dekabrında qeydə alınmışdı, bundan sonra azalma müşahidə olunsa da, hökumət məlumatlarına görə, 2025-ci ilin ikinci yarısında yenidən əhəmiyyətli dərəcədə artıb. Bankın Pul-Kredit Siyasəti Şurası bildirib ki, inflyasiya “müəyyən müddət ərzində hədəf səviyyədən yuxarı qalacaq”.
Agentliyin qeydinə görə, bir çox Avstraliya ev təsərrüfatları hələ də ərzaq məhsulları, yanacaq və xüsusilə mənzil xərclərinin yüksək olması səbəbilə maliyyə təzyiqi altındadır. Avstraliyalı investorlar pul-kredit siyasətinin daha da sərtləşdiriləcəyini gözləyirlər.
