ABŞ Senatının Silahlı Qüvvələr Komitəsi 2023-cü ildə hərbi büdcənin artırılması üçün əlavə 45 milyard dollar ayrılmasını təsdiqləyib.
2023-cü ildə ABŞ-ən müdafiə xərclərinin ümumi həcmi 847 milyard dollar təşkil edəcək.
Bu məbləğə silahlı qüvvələrin hərbi və mülki işçilərinə ödənişlərin 4,6% artırılması, yeni aviasiya, dəniz və quru qoşunlar üçün texnika, eləcə də sursatların alınması, Ukraynaya yardım daxildir.
Bundan əlavə, büdcəyə dənizdən buraxılan qanadlı nüvə raketinin hazırlanmasına nəzərdə tutulan xərclər də daxildir.
