ABŞ-də kommersiya neft ehtiyatları son bir həftə ərzində 6,1 milyon barel azalaraq iyunun 19-na olan vəziyyətə görə 412,1 milyon barel təşkil edib. Bu barədə ABŞ Energetika Nazirliyi məlumat yayıb.
Nazirlik bildirib ki, hazırkı ehtiyat həcmi ilin bu dövrü üçün son beş ilin orta göstəricisindən 7% aşağıdır.
Dünən Bakı vaxtı ilə saat 18:40-a olan məlumata görə, Londonun ICE birjasında 2026-cı ilin avqust tədarüklü Brent markalı neft fyuçerslərinin qiyməti 4,29% azalaraq bir barel üçün 73,77 dollara enib.
Eyni zamanda, avqust tədarüklü WTI markalı neft fyuçerslərinin qiyməti də 4,22% ucuzlaşaraq bir barel üçün 70,12 dollar təşkil edib.
