28 C
Baku
Thursday, July 25, 2024

ABŞ Rusiyadakı son iki konsulluğunu bağlayacaq

ABŞ Dövlət Departamenti 2020-ci il dekabr ayının ortalarında Konqresə Rusiyanın Vladivostok şəhərindəki konsulluğu həmişəlik, Yekaterinburqdakı konsulluğu isə müvəqqəti bağlayacağını açıqlayıb.

Bu barədə Banker.az xarici KİV-ə istinadən xəbər verir.

Konsulluqların bağlanması – Rusiyanın 2017-ci ildə tətbiq etdiyi kadr məhdudiyyətləri və nəticədə diplomatik vizalarla yaranmış problemlərə verilən cavabdır.

ABŞ Dövlət Departamenti bu məlumatı təsdiq edib. “Dövlət katibi ABŞ-ın Rusiyadakı səfiri ilə birlikdə məsləhətləşərək, diplomatik nümayəndəliyin təhlükəsiz və etibarlı fəaliyyətini təmin etmək üçün Vladivostokdakı konsulluğu bağlamağa, Yekaterinburqdakı konsulluğun fəaliyyətini isə müvəqqəti olaraq dayandırmağa qərar verib”, – deyə nümayəndə açıqlayıb.

Qeyd olunur ki, baş konsulluqların diplomatları (10 nəfər) ABŞ-ın Moskvadakı səfirliyinə köçürüləcək, digər əməkdaşlar (33 nəfər) işdən çıxarılacaq.

Xatırladaq ki, ABŞ-ın Sankt-Peterburqdakı konsulluğu 2018-ci ildən bağlıdır.

Son xəbərlər
Digər xəbərlər