ABŞ Maliyyə Nazirliyi rusiyalı Andrey İvanova, bir Rusiya şirkəti və üç xarici hüquqi şəxsə məhdudiyyətlər qoyub .
Bu barədə idarənin mətbuat xidmətindən bildirilib.
OFAC Rusiyanın özəl hərbi şirkəti PMC “Vagner” ilə əlaqəli dörd şirkətə və bir şəxsə sanksiya tətbiq edib.
Agentliyin məlumatına görə, Rusiyanın DM LLC şirkəti, Midas Ressources və Diamville Sau (hər ikisi Mərkəzi Afrika Respublikasından ), eləcə də Industrial Resources General Trading ( BƏƏ ) sanksiyalar siyahısına əlavə edilib.
Bəyanatda qeyd olunur ki, yuxarıda adı çəkilən şirkətlər Priqojinin maraqları naminə və ya onun adından hərəkət edib və ya hərəkət etmək niyyətində olublar, “Vagner” PMC-yə maliyyə dəstəyi veriblər.
Bundan əvvəl ABŞ Maliyyə Nazirliyi iki şəxs də daxil olmaqla Rusiyaya qarşı sanksiyalar siyahısını yeniləyib . Siyahıya rusiyalılar Yeqor Popov və Aleksey Suxodolov daxil edilib. Səbəbi barədə məlumat verilmir.
