“AFB Bank” ASC bu ilin III rübünü 11 milyon 452 min manat mənfəətlə başa vurub. Ötən ilin eyni dövründə isə bankın mənfəəti 8 milyon 676 manat idi ki, bu da illik müqayisədə 32% artım deməkdir.
Banker.az bu barədə bankın maliyyə hesabatına istinadən xəbər verir.
GƏLİRLƏRİ ARTIB
Yanvar-sentyabr aylarında “AFB Bank”ın gəlirləri 21 milyon 17 min manat (əvvəlki ilə nisbətən 13% çox) , xərcləri 13 milyon 452 min manat olub.
BANK BÖYÜYÜB, KREDİT PORTFELİ ARTIB
Bu il oktyabrın 1-nə “AFB Bank”ın aktivləri 292 milyon 501 min manat olub ki, bu da 7.4% artım deməkdir. Bunun 169 milyon 463 min manatı müştərilərə verilmiş kreditlərdir. Belə ki, 9 ayda bankın kredit portfeli 19% böyüyüb.
DEPOZİT PORTFELİ BÖYÜYÜB
Hesabat dövründə “AFB Bank”ın öhdəlikləri 9.2% artaraq 208 milyon 593 min manata, balans kapitalı 3.4% artaraq 83 milyon 909 min manat, depozit portfeli isə 1.2% artaraq 118 milyon 681 min manat olub.
Xatırladaq ki, “AFB Bank” 2008-ci ildə “Azfinansbank” adı ilə fəaliyyətə başlayıb, 2009-cu ildə rebrendinq edib. Onun nizamnamə kapitalı 70.393 milyon manatdır. Bankın səhmlərinin 99.64 %-i Hikmət Abuzər oğlu İsmayılova (“Azsığorta” ASC-nin 100 %-lik səhmdarı, “Bank of Baku” ASC-nin 31.11 %-lik səhmdarı), 0.18 %-i Cəmil Tahir oğlu Muradova (“Gilan Holdinq” MMC-nin İdarə Heyətinin sədri), 0.18 %-i isə Əkbər Həsən oğlu Abdullayevə məxsusdur.
