Avropa İttifaqı ölkələrində yeraltı qaz anbarlarının dolumluluq səviyyəsi orta hesabla 80%-i ötüb.
Bu barədə “Gas Infrastructure Europe” Assosiasiyasının (Avropanın qazın nəqli sistemləri operatorları assosiasiyası) məlumatlarında bildirilib.
Məlumata görə, hazırda qeyd olunan göstərici 80.17% təşkil edir.
Çərşənbə axşamı günü Avropa Komissiyasının rəhbəri Ursula fon der Leyen Avropa Birliyinin qaz anbarlarının orta dolumluluq səviyyəsinin 80%-ə çatdığını bildirib.
Xatırladaq ki, bu il Aİ ölkələri 1 noyabr 2022-ci il tarixinədək yeraltı qaz anbarlarını ən azı 80% və sonrakı bütün qış dövrlərində isə 90% doldurmağı öhdələrinə götürüblər.
