15 C
Baku
Friday, March 29, 2024

“Amazon” “One Medical”ı 4 mlrd. dollara alıb

ABŞ-ın pərakəndə satış şirkəti olan “Amazon” ilkin tibbi yardım göstərən “One Medical”ı almaq üçün müqavilə imzalayıb. Bu barədə “The Wall Street Journal” məlumat yayıb. Bildirilir ki, sövdələşmənin dəyəri 3.9 milyard dollar təşkil edir.

Banker.az bu barədə “Forbes”a istinadən xəbər verir.

“Biz hesab edirik ki, səhiyyə yenidən nəzərdən keçirilməli olan xidmətlər siyahısındadır”, – deyə “Amazon Health Services”in baş vitse-prezidenti Nil Lindsey söyləyib.

Bu xəbərin fonunda “One Medical”ın səhmləri 68% artaraq 17.10 dollara yüksəlib.

“One Medical” – ABŞ-da 180 tibb ofisini idarə edən və işçiləri üz-üzə və 8000-dən çox şirkətlə işləyən tibbi texnologiya şirkətidir. O, ana şirkət “1Life Healthcare Inc” tərəfindən idarə olunur.

“WSJ” qeyd edir ki, ABŞ-da səhiyyə sənayesi 4 trilyon dollar dəyərində qiymətləndirilir, buna görə də bir çox texnologiya şirkəti bu yeri tutmağa çalışır. Bundan əlavə, pandemiya dövründə teletibb xidmətlərinə maraq artıb.

Son xəbərlər
Digər xəbərlər