“Amazon” şirkəti korporativ istifadəçilər üçün öz çat-botunu – “Amazon Q”nu təqdim edib. Onun funksiyaları arasında böyük sənədlərin məzmununu qısaltmaq, şirkətlərin daxili dəstəyi üçün sorğuları doldurmaq, siyasəti ilə bağlı suallara cavab vermək və s. var.
“The New York Times”a verdiyi müsahibədə “Amazon Web Services”in baş direktoru Adam Selipski “Amazon Q”nun milyonlarla insanın gündəlik iş tapşırıqlarında mühüm köməkçisi olmaq potensialına malik olduğuna ümid etdiyini bildirib.
Aylığı 20 dollara olan abunədə çat-bot ümumiləşdirə apara, axtarış edə və məzmun yarada bilər. Tapşırığı yerinə yetirməzdən əvvəl “Q” hər şeyi düzgün edib-etmədiyini yoxlayacaq.
Aylığı 25 dollara olan abunədə isə siz bulud xidmətinin tövsiyələri və imkanları haqqında məlumat əldə edə bilərsiniz. O, artıq yazılmış kodu təhlil edəcək və onda səhvləri tapa, onu çevirə, yenisini yaza və ya şirkətin hansı kodu və hansı xidmətdə istifadə etdiyini söyləyə biləcək.
Çat-bota proqram və ya onun quraşdırıldığı xidmət vasitəsilə daxil olmaq olacaq. “Amazon” onu “QuickSight” və “Amazon Connect” proqramlarında tətbiq etməyi planlaşdırır.
